Një shqiptar ka humbur jetën në një aksident në Itali, teksa ishte rrugës për në punë. Ai po udhëtonte në makinë me një bashkatdhetar dhe koleg kur furgoni i tij “Ulisse” është përplasur me një makinë “Volkswagen” në rrugën rajonale 439 në komunën e Lajaticos.
Viktimë e aksidentit ka mbetur 40-vjeçari Edmond Zero, një shqiptar me banim në Fornacette në komunën e Calcinaia.
Edmondi i ardhur në Itali nga Shqipëria në kërkim të një jete më të mirë, ka lënë pas gruan dhe dy fëmijët e tij 11 dhe 6 vjeç.
Të plagosur rëndë, por jo në rrezik për jetën, janë shoku i Edmond Zeros që ndodhej me të në furgon dhe çifti Pomarance, burrë e grua, që po udhëtonin në drejtim të Pontederës.
