Një person ka hipur në një vinç, pak minuta më parë, në qendër të Tiranës dhe kërcënon me hedhje.
Identiteti i personit ende nuk është bërë me dije, por ngjarja po ndodh pranë Pallatit të Operës dhe Baletit.
Policia ka mbërritur në vendngjarje dhe ka rrethuar zonën pranë qendrës së Tiranës.
Atje kanë shkuar edhe forcat zjarrfikëse.
Ende nuk dihen arsye se pse personi në fjalë kërcënon të hidhet nga lartësia.
Sipas të dhënave të para, personi është rreth 35 vjeç.
Gjatë qëndrimit në vinçin e lartë, personi që kërcënon të hidhet ka komunikuar disa herë në telefon me të afërm.
Është ende e paqartë se si i riu ka hyrë në kantierin e ndërtimit dhe është ngjitur në vinç.
Ishin qytetarë pranë vendit të ngjarjes, ata që lajmëruan policinë.
Ky nuk është rasti i parë dhe në rastet e mëparshme, personat kërcënues kanë zbritur pas negociatave me policinë.
