Vijojnë të zbardhen detaje nga arrestimi i ish-nëndrejtorit të Policisë së Tiranës, Erzen Breçani, i cili u vu në pranga dje në kuadër të një hetimi të SPAK.
Mësohet se Breçani u arrestua teksa po hynte në stadiumin ‘Air Albania’ ku do të shikonte ndeshjen e kombëtares shqiptare me Ishujt Faroe, ndërsa ndaj tij, rëndon akuza e përkrahjes së autorit të krimit. Ai ishte duke u përshëndetur me ish-kolegë të tij policë, të cilët ishin në shërbim në kuadër të masave për ruajtjen e rendit dhe sigurisë.
Edhe shefi i krimeve të komisariatit nr.6 në Tiranë, Dedan Gjoni ka rënë në pranga në afërsi të stadiumit, ku ishte në shoqërinë e djalit të mitur.
Sakaq, në kërkim është shpallur dhe djali i Breçanit dhe pesë persona të tjerë.
Të arrestuar
-Erzen Breçani, ish-nëndrejtori i Policisë së Tiranës
-Jonida Babameto, oficere e Drejtorisë së Kufirit dhe Emigracionit
-Bujar Germizi emër i njohur i botës së krimit në Kukës
Detyrim paraqitjeje
-Dedan Gjoni, Shef seksioni per hetimin e Krimeve në Komisariatin numër 6
Në kërkim (nuk ndodhen në Shqipëri)
-Besmir Mustafi
-Eralbi Breçani, djali i Erzen Breçanit
-Ervin Mata
-Besmir Murati
-Artan Sulejmani
-Albert Prenga
