Të paktën kështu thuhet në një komunikatë të shpërndarë në orët e vona nga policia e Kosovës.
Sipas policisë së Kosovës numri i personave të shoqëruar në stacione policore ka arritur në 97 persona, 11 prej të cilëve janë ndaluar për 48 orë me dyshimet për përfshirje në vepra penale, 53 janë dërguar në procedurë të shpejtë për përfshirje në raste të kundërvajtjes, 26 janë liruar në procedurë të rregullt, si dhe 7 të mitur janë liruar.
“Ndërsa numri i personave të lënduar të cilët kanë kërkuar ndihmë mjekësore nga ana e protestuesve ka arritur në dhjetë 10 persona, kurse nga ana e zyrtarëve policorë janë lënduar 2 zyrtarë të cilët kanë kërkuar ndihmë mjekësore, si dhe disa të tjerë që kanë pësuar lëndime sipërfaqësore, por që nuk kanë kërkuar ndihmë mjekësore”, njofton PK.
Po ashtu, në selinë e partisë u gjetën :2 copë gaz maska ushtarake, 1 sprej (OC) i vogël, 2 shufra metalike, 2 mjete të destinuara për gjuajtje të sferave me llastika, 4 qese me pluhur të dyshimtë, 2 qese me sfera xhami, një gaz lotsjellës, 3 radiolidhje mototrolla, 1 shishe me sasi ½ e litrës me plumba gome (26 copë), një fishekzjarr me barot, 3 boca gazi lotsjellës të zbrazëta, një qese najloni me 7 copa gaz lotsjellës, 1 qese me sfera me ngjyrë, 1 çantë me tri shishe plastike me sasi ½ litrës të mbushura me benzinë, 1 shishe plastike prej 1,5 litra me benzinë, 1 sprej i vogël OC (djegës), 1 sprej i madh OC (djegës), 2 qese me armatura të salduar (në formë iriqi) për shpim të gomave të veturave, 5 shishe në sasi prej 1,5 litra të mbushura me ngjyrë pink dhe13- copë maska të zeza (fantomka) për mbulim të fytyrës.
Ndërkaq, Policia ka bashkangjitur edhe disa fotografi të mjeteve të dyshuara të përfshira në listën e konfiskimeve si prova materiale.
