Kryetarja e LSI, Monika Kryemadhi, është shprehur se platforma e cila është hartuar nga opozita dhe i është dorëzuar kryeministrit Edi Rama është e vetmja zgjidhje e cila mund të nxjerrë vendin nga kriza politike.
Kryemadhi u shpreh për mediat se Rama para se të takohet me opozitën duhet së pari t’u japë përgjigje pesë kushteve që janë vendosur prej tyre. Ajo u shpreh gjithashtu se Rama është personi i cili ka penguar dialogun që në fillim të krizës politike.
Pyetje: PD propozoi një formulë ekstraparlamentare për reformën zgjedhore, ku do marre pjesë përfaqësues nga PD, PS dhe te huaj…
Kryemadhi: E para s’është e vërtetë, është një strukturë strategjike, do te thotë një palë përfaqësues nga mazhoranca, një pale nga opozita dhe nga ndërkombëtarët që kanë qenë kryesorët që janë marrë me çështjet zgjedhore. Por ajo që është propozuar është një nga 9 pikat e kushteve të Bundestagut që janë shumë të rëndësishme që e gjithë kjo strukturë me kushte e nënkushte, janë të domosdoshme që duan zgjidhje dhe është e vetmja platformë që nxjerr vendin nga kriza. Basha nuk perfaqeson PD, por përfaqëson opozitën.
Pyetje: PS e ka bërë të qartë se nuk e pranon këtë strukturë, cili do jetë qëndrimi juaj?
Kryemadhi: Ne do vazhdojmë në agjendën tonë kjo dmth që Rama ka qenë përherë pengesë dhe kundër dialogut, tregon se Rama ka problemin të ruajë kokën e tij, por tani problemi është si të nxjerrim vendin nga kriza e ti japim shanset atyre që kanë ikur të kthehen në vendin e tyre, s’është më çështja çfarë thotë Rama, është si të nxjerrim vendin nga kriza.
Pyetje: Rama ka thënë se është i gatshëm të vij në PD për të diskutuar për reformën zgjedhore.
Kryemadhi: Të vijë ai por në emër të PD ka 5 kushtet që ia kemi vënë, pastaj hajde flasim, se ai është humorist i devotshëm sidomos kohët e fundit që kemi mbet edhe pa humorist./ Opinion.al E.Xh.
