Aktualitet

Plani i qeverisë/Nënkryetarja e PD: Paketë gjysmake, ne po vuajmë krizat e …


Bëhu pjesë e Grupit Zyrtar të Opinion.al
>> KËTU <<
               Publikuar në : 18:17 - 09/10/21 |
Opi Nion

Nënkryetarja e PD-së, Jorida Tabaku, ka folur këtë të shtunë për krizën e paralajmëruar energjetike. Në një intervistë në news 24, Tabaku e ka cilësuar si artificiale krizën e energjisë në Shqipëri ndërsa për paketat e qeverisë tha se janë gjysmake.

“Në fakt nuk është reale për Shqipërinë. Për Shqipërinë është një krizë keqmenaxhimit, një krizë korrupsioni ashtu siç e ka treguar media me shumë guxim. Është një krizë korrupsioni sepse në blerjen e energjisë elektrike dhe shitjen e energjisë elektrike, Shqipëria është e favorizuar krahasuar me vendet e tjera, duke pasur parasysh burimet hidrore që ne kemi. Ka ndodhur që në periudhë zgjedhore duke mos e pasur mendjen tek ajo që po ndodhte me tregun e brendshëm është shitur një sasi shumë e madhe energjie. Ndërkohë që flasim tregu energjetik shqiptar i ka plotësuar nevojat, ka qenë një vit i mirë për prodhimin e energjisë. Ndërkohë që qeveria shqiptare vendosi të shesë me një çmim të ulët dhe është duke blerë tani me një çmim 10 herë më të lartë. Edhe në mënyrë korruptive, edhe më të lartë se bursa, duke përdorur ndërmjetës. Ndërkohë që detyra prioritare e qeverisë shqiptare duhet të ishte sigurimi i energjisë për tregun e brendshëm. Prandaj themi që është një krizë artificiale dhe është një krizë e cila është krijuar si rezultat i vendimeve që janë marrë tani për blerjen e energjisë, por sigurisht dhe kostove dhe problemeve 8-vjeçare që ka akumuluar sektori”, tha Tabaku.

Ndërsa në lidhje më paketat e prezantuara nga qeveria Tabaku tha: “Paketa e djeshme lidhej me mbështetjen e sektorit, e cila ndodhet në një situatë të rëndë. Dhënia e stimujve financiare tregon se problemi është tek OSHEE dhe si është menaxhuar situata.
Unë i shikoj të dyja paketat si gjysmakë dhe si masa korrigjuese të situatës. Ne po vuajmë krizat e 8 viteve të shkuara”./Opinion.al

Pas