Një plagosje me armë zjarri ka ndodhur pasditen e së shtunës në kryeqytet, në zonën e Yzberishtit. Lajmi bëhet i ditur nga BW, që njofton se ngjarja ka ndodhur disa minuta më parë, ndërsa mësohet se i plagosuri është nje 20-vjecar që eshtë qelluar ne kembe. Nderkohe, policia ka bere me dije se ka identifikuar autorin dhe po punon per kapjen e tij.
“Rreth orës 17:40, në zonën e Yzberishtit, pas një konflikti të çastit është plagosur me armë zjarri në këmbë nje i ri rreth 20 vjeç, jashtë rrezikut për jetën. Policia ka identifikuar autorin dhe po punon për kapjen dhe vënien e tij para përgjegjësisë ligjore”, njoftoi Policia e Tiranës.
