Alted Jolldashi, 35 vjeç mbeti i plagosur këtë të premte rreth orës 16:30 në vendin e quajtur “Kryqëzimi i Tushemishtit” në Pogradec.
Autori i dyshuar i plagosjes është Deist Meko. Policia në një reagim zyrtar njofton se janë ngritur pika kontrolli në hyrje-daljet e qytetit për kapjen e autorit të dyshuar.
Ndërkohë i lënduar ndodhet në spitalin e Pogradecit ku edhe po merr trajtim mjekësor. Sakaq grupi hetimor në drejtimin e Prokurorisë po punon për zbardhjen e plotë të rrethanave të kësaj ngjarjeje.
“Më datë 01.03.2024, rreth orës 16:30, në vendin e quajtur “Kryqëzimi i Tushemishtit”, gjatë një konflikti të çastit, dyshohet se ka mbetur i plagosur me armë zjarri shtetasi A. J., 35 vjeç, i cili u dërgua në spitalin e Pogradecit për ndihmë mjekësore, ku ndodhet jashtë rrezikut për jetën. Shërbimet e Policisë menjëherë kanë shkuar në vendngjarje dhe kanë bërë të mundur identifikimin e autorit të dyshuar të ngjarjes shtetasit D. M. Janë ngritur pika kontrolli në hyrje-daljet e qytetit, me qëllim kapjen dhe vënien para përgjegjësisë të autorit të dyshuar”,-njoftoi policia.
