60-vjeçari Besim Zeneli mbeti i plagosur pranë autostradës në Laç-Lezhë, në dyqanin e tij të fruta-perimeve.
Sipas policisë, Zeneli u qëllua me armë pak pas mesnate teksa po mbyllte biznesin e tij. Mësohet se në drejtim të 60-vjeçarit është qëlluar me dy plumba. Ai ka marrë plagë në trup dhe aktualisht ndodhet në Spitalin e Traumës në Tiranë, nën kujdesin mjekësor.
Ndërkaq, sipas raportimeve deri tani dy janë pistat kryesore për këtë ngjarje, një grabitje e mundshme apo e një hakmarrjeje.
Uniformat blu bënë me dije se për këtë ngjarje janë shoqëruar 3 persona, mes tyre dhe autori i dyshuar dhe po kryejnë veprimet hetimore për dokumentimin e plotë ligjor të ngjarjes dhe arrestimin e autorëve.
