Policia ka dhënë detaje lidhur me ngjarjen e ndodhur në Tiranë, ku dy persona u plagosën me thikë në afërsi të kthesës së Paskuqanit.
Sipas uniformave blu, Tedi Durishti, 30 vjeç, ka goditur me thikë dy vëllezër, J. P., 35 vjeç, dhe Xh. P., 31 vjeç.
“Më datë 21.02.2023, rreth orës 19:00, në rrugën “Dine Hoxha”, në afërsi të kthesës së Paskuqanit, gjatë një konflikti, shtetasi T. D., 30 vjeç, dyshohet se ka goditur me mjet prerës shtetasit J. P., 35 vjeç, dhe Xh. P., 31 vjeç (vëllezër), të cilët si pasojë janë dëmtuar dhe po marrin ndihmën mjekësore në spital”-njofton policia.
Grupi hetimor po punon për sqarimin e rrethanave të ngjarjes si dhe kapjen e autorit të dyshuar.
