Ditën e djeshme Tirana u trondit kur katër studentë të Universitetit të Tiranës mbetën të plagosur pas një sherri me thika përballë Presidencës.
Ndërkohë, po ditën e djeshme u bë i mundur dhe arrestimi i autorit. Sipas informacioneve, autori i ngjarjes është Henri Karaj, 20 vjeç ndërkohë që është vërtetuar se përplasja ka ndodhur pas një sherri banal mes të rinjsh. Nga përplasja me thikë mes të rinjëve kanë mbetur të plagosur 4 persona të identifikuar si Jurgen Lleshi, Feliks Lleshi, kushërinj mes tyre bashkë me Klajdi Dumi dhe Klajdi Marku.
News bomb ka kontaktuar me babain e të plagosurit Jurgen Lleshaj, 54-vjeçarin Tom Lleshaj nga Rrësheni, i cili foli për gjendjen shëndetësore të djalit, dhe mënyra se si po procedohet ngjarja, si nga mjekët ashtu edhe nga autoritetet. Lleshaj shprehet për se djali i tij 19-vjeçar ndodhet në gjendje të rëndë, pasi ka marrë disa plagë në trup nga sulmi me thikë. Lleshaj rrëfen se edhe pse i riu ndodhet në atë gjendje, mjekët duan që Jurgeni të dalë nga spitali, për të lehtësuar autorin, i cili sipas tij ka gjetur një mënyrë për të ndërhyrë.
“Di që kartelën e kanë plotësuar për të ndenjur në spital për 3 ditë, ende nuk e kam parë, por doktor Sokrati më thotë që djali duhet të dalë. Dyshoj se duan të më nxjerrin djalin, pasi duan të lehtësojnë atë që i sulmoi.”– ka rrëfyer i alaramuar babi i Jurgenit për News bomb. Ndërkohë, Tom Lleshaj tregon dhe një tjetër detaj të rëndësishëm. Bëhet fjalë për 3 të rinjtë e tjerë të plagosur të cilët janë nxjerrë nga spitali edhe pse në gjendje aspak të mirë shëndetësore.
“3 të plagosurit e tjerë u larguan dje nga spitali edhe pse ishin keq. Pasi shkuan në shtëpi, gjendja e tyre u përkeqësua dhe u rikthyen përsëri në spital, morën një serum dhe i përzunë prapë, njëri prej tyre është kthyer 2 herë brenda natës për mjekim.”– shton babai i Jurgenit. Tom Lleshaj akuzon mjekët se janë të implikuar në këtë çështje, pasi pretendon se dikush po ndërhyn, që po ndodhin veprime të tilla. “Mbrëmë erdhi njëri, nuk e di se kush, dhe çfarë donte, por unë nuk e kam mendjen te denoncimi. Personi që erdhi foli me një infermiere, nuk e dime çfarë i kërkoi”.
54-vjeçari i shqetësuar për fatin e djalit të tij kërkon vetëm që mos të ndalojë mjekimi në spital për djalin, pasi i është dëmtuar mushkëria, kraharori, dhe gjithashtu ka një plagë në kurriz. “Unë nuk e kam bërë denoncimin, kam probleme, dua vetëm që djali të jetë mirë”– shprehet për News bomb babai i Jurgenit, meraku i vetëm i të cilit është vetëm përmirësimi i gjendjes shëndetësore të djalit të tij.
