Dy persona të identifikuar si Besmir Çofi dhe Avenir Hasanaj janë plagosur me armë zjarri mëngjesin e kësaj të diele në fshatin Vrakë të Malësisë së Madhe.
Autori i kësaj ngjarje është identifikuar nga policia dhe ai është Lul Rakaj. Ky i fundit mësohet të ketë qëlluar në drejtim të dy të plagosurve sapo këta të fundit po futeshin në ambientet e një lokali.
Të dëmtuarit janë dërguar për ndihmë mjekësore në spitalin e Shkodrës ku mësohet se janë jashtë rrezikut për jetën.
Policia njofton se vijojnë hetimet për sqarimin e rrethanave dhe motivin e kësaj ngjarje me dy të plagosur.
Tv Klan
