18-vjeçari i cili mesditën e kësaj të shtune plagosi me armë zjarri një 30-vjeçar në Shijak është arrestuar nga policia e Durrësit pak orë pas ngjarjes së ndodhur.
Uniformat blu përmes një njoftimi bënë me dije se kanë mundur të vënë në pranga autorin e dyshuar.
Sipas informacioneve zyrtare, ngjarja ndodhi ditën e sotme në Shijak rreth orës 13:20, pas një konflikti të çastit për motive të dobëta.
I plagosuri, 30-vjeçari Saimir Bega ndodhet në spital, nën kujdesin e mjekëve, jashtë rrezikut për jetën./Opinion.al
