Pesë punëtorë të një miniere në Klos janë plagosur për pasojë të një aksidenti gjatë transportimit të kromit.
Lajmi është konfirmuar nga vetë Kompania AlbChrome, e cila njofton se në orët e para të mëngjesit në Traverbankun e Klosit ka ndodhur një avari në të cilën janë aksidentuar 5 punonjës.
Komapania njofton se janë marrë masat e menjëherëshme për të bërë të mundur trajtimin e duhur mjekësor të të lënduarvë, të cilet pasi janë dërguar në spitalin rajonal të Burrelit, është konstatuar nevoja që 3 prej tyre të dërgohen në Spitalin e Traumës në Tiranë.
Menjëherë këta 3 punonjës janë dërguar në Spitalin e Traumës dhe pas ekzaminimeve konstatohet që aktualisht të 3 punonjësit janë jashtë rrezikut për jetën.
Avaria është shkatuar nga pakujdesia e dy prej punonjësve të cilët nuk kanë zbatuar rregullat e sigurisë në punë.
