Policia Italiane në Vibo Valentia ka arrestuar 334 persona të cilët janë anëtarë të klanit mafioz “Ndragheta”.
Arrestimet e tyre u bën në kuadër të operacionit të koduar “Rilindja-Scott”,. Ndërkohë, autoritetet njoftojnë se u shkatërrua e gjithë organizata mafioze që operonte në Vibonese dhe u arrestua dhe kreu i saj Mancuso di Limbadi.
Janë 416 persona të hetuar për vepra të ndryshme penale përfshirë këtu, organizatë mafioze, vrasje, zhvatje, mashtrim, riciklim, pastrim parash etj…
Mes të arrestuarve raportohet të ketë politikanë, biznesmenë dhe zyrtarë të tjerë të lartë. Karabinierët gjithashtu bëjnë me dije se janë sekuestruar dhe pasuri me vlerë rreth 15 milionë euro.
Operacioni është fryt i një hetimi të nisur prej vitesh dhe në rajone të ndryshme të Italisë ku ‘Ndragheta vibonese ishte shtrirë si në Lombardi, Piemonte, Veneto, Liguria, Emilia Romagna, Toscana, Lazio, Sicilia, Puglia, Campania e Basilicata
Disa nga të akuzuarit u arrestuan në Gjermani, Zvicër dhe Bullgari. Për finalizimin e këtij operacioni u angazhuan mbi 2500 forca policie, duke përfshirë këtu dhe Regjimentin e parashutistëve./ Opinion.al
