Everest Çaka, 41-vjeç, dyshohet se është ekzekutuar pasi kishte marrë drejtimin e pazareve të drogës në Europë pas vrasjes mafioze të Arjan Spahiut në nëntor 2020.
Sipas abc neës kjo është edhe pista kryesore në të cilën është fokusuar grupi hetimor i ngritur pas vrasjes.Urdhri për ekzekutimin e 41-vjeçarit është dhënë nga jashtë Shqipërisë
Ndërkohë grupi hetimor në bashkëpunim të ngushte me prokurorinë e Elbasanit kanë dhe një pistë të dytë, atë të hakmarrjes për shkak të hasmërive që viktima kishte, pasi 11 vite më parë ju ekzekutua i vëllai në Barcelonë. Vrasje në të cilën kanë qenë autorë të dyshuar Florenc Alikaj dhe Zenel Mahmuti.
Pas kësaj vrasje katër viktima do të regjistroheshin në Elbasan, të cilët ishin të afërm të dy personave që dyshohet të kishin marrë pjesë në ekzekutimin e të vëllait të Everest Çakës në Barcelonë vite me parë, respektivisht Florenc Alikaj (i vrarë pas të vëllait të tij në Elbasan, Gëzim Alikaj) i njohur me pseudonimin “Lenc Kokëmadhi” si dhe Zenel Mahmutaj një person shumë i rrezikshëm sipas të dhënave policore, i dyshuar për më shume se dhjetë vrasje brenda dhe jashtë vendit dhe sipas informacioneve në rruge operative aktualisht ndodhet ne Brazil.
Viktima Everest Çaka, ka qenë i dyshuar edhe për një ngjarje tjetër të rënde, e ndodhur në mars të vitit 2011, ku në lagjen “Syrja Dylgjeri” janë qëlluar me nga një plumb në kokë teksa flinin në një dhomë, dy vëllezerit Xhelal dhe Pellumb Mahmuti, si dhe babai i tyre, Emin Mahmuti, ndërsa e plagosur mbeti dhe një grua e cila luajti rolin sikur ishte e vdekur për t’i shpëtuar plumbave.
Everest Çaka u ekzekutua në një atentat të mirëorganizuar mbrëmjen e 11 majit me 12 plumba nga një armë tip pistoletë me selenciator në lagjen “Skënderbej’.
Ai u qëllua teksa ishte në automjet me bashkëshorten e tij, Silvana Çaka. Kjo e fundit u plagos në dorë, ndërsa 41-vjeçari ndërroi jetë në vend.
Në dëshminë e dhënë Silvana Çaka, tha se fillimisht çifti kujtoi se u përfshi në aksident pasi një makinë goditi mjetin me të cilin ata po udhëtonin nga mbrapa.
Më tej ajo tha Everest Çaka ndaloi menjëherë më pas mjetin ndërsa vrasësi e qëlloi nga xhami i hapur te shoferi.
“Flillimisht kujtuam se u përfshimë në aksident. Na goditi një makinë nga pas, ndaluam menjëherë. Bashkëshortin e qëlluan me breshëri. Vrasësi erdhi dhe qëlloi ngjitur xhamin e hapur nga ana e shoferit. E bënë shoshë nga plumbat nga qafa në gjoks. Një plumb më goditi në krah. Dola menjëherë dhe thirra për ndihmë. E kuptova që goditja nga pas e makinës ishte rrengu i mirëmenduar i vrasësve që na kishin zënë pritë”, deklaroi bashkëshortja e viktimës, Silvana Çaka./Opinion.al
