Bota

Piloti që bëri ulje emergjente të avionit në një fushë misri: Nuk jam hero


               Publikuar në : 08:37 - 17/08/19 |
el ida

Damir Yusupov, piloti që ka kryer uljen urgjente të aeroplanit të kompanisë, Ural në një fushë misri afër Moskës, tha se ishte i frikësuar teksa të dy motorët e aeroplanit u “pushtuan” nga zogjtë, madje ai shtoi se nuk ka pasur kohë për diçka të tillë.

Yusupov, u tha thënë gazetarëve se mundësia e tij e vetme ishte ulja emergjente në një fermë afër aeroportit Zhukovsky, teksa ka pasur 233 persona në bord.

“Nuk jam frikësuar. Kam bërë atë që duhej të bëja. Kam ruajtur aeroplanin, pasagjerët, ekipin. Unë mendoj se ai ka qenë vendimi i vetëm. Nuk mendoj se jam hero”, ka thënë ai me modesti.

Zyrtarët e emergjencës kanë thënë se 74 persona kanë kërkuar ndihmë mjekësore pas uljes së aeroplanit, ndërsa ministria e Shëndetësisë ka raportuar se rreth 23 persona janë dërguar në spital për shkak të plagëve që kanë marrë.

Yusupov dhe gjashtë anëtarët e tjerë të ekipit janë përshëndetur menjëherë për veprimin e tyre, i cili është krahasuar me “Mrekullinë në Hudson” të vitit 2009, kur kapiteni, Chesley Sullenberger, ka ulur një aeroplan në lumin Hudson të Nju Jorkut, pasi një zog hyri në motor.

Presidenti rus, Vladimir Putin i ka nderuar me titullin “heronj të Rusisë” pilotin, Yusupov dhe Georgy Murzin, ndërsa anëtarët e tjerë të ekipit i ka shpërblyer me çmimin për kurajo, për punën e tyre gjatë uljes urgjente.

Aeroplani ishte nisur nga aeroporti afër Moskës drejt Simferopolit, kryeqytetit të Krimesë së aneksuar nga Rusia më 2014./Opinion.al

Pas