Një orë para nisjes së seancë së parlamentit ditën e enjte, Sali Berisha ka njoftuar se do të protestojë para godinës së bashku me mbështetësit e tij.
Protesta do të zhvillohet në orën 09:00, duke vështirësuar edhe futjen e deputetëve socialistë në seancën parlamentare që fillon në orën 10:00.
Në njoftimin e zakonshëm që bën Kuvendi për orarin dhe rendin e seancës parlamentare konstatohet se pika e parë që do të trajtohet të enjten është shqyrtimi i kërkesës për dhënien e autorizimit nga Kuvendi për arrestimin/heqjen e lirisë së deputetit Sali Berisha nëpërmjet zëvendësimit të masës së sigurisë.
Njoftimi:
Seanca plenare e Kuvendit të Shqipërisë do të zhvillohet ditën e enjte, datë 21 dhjetor, ora 10:00. (Urdhër nr.70, datë 19.12.2023, i Kryetares së Kuvendit, znj. Lindita Nikolla.
Procedurat e transmetimit do të jenë të njëjta me të seancave plenare të mëparshme: makinat sinjalin do ta marrin nga RTSH dhe seanca do të transmetohet live në faqen ëeb dhe FB të Kuvendit.
