Mbrëmjen e së hënës në programin “Opinion” peshëngritësi, Briken Çalja deklaroi se ende nuk ka marrë shpërblimet që i takojnë për medaljet e fituara në kampionate evropiane dhe botërore teksa shtoi se prej thuajse dy vitesh pret nga zyrtarët në instituconet përkatëse një përgjigje.
Çalja shtoi gjithashtu se një pjesë e mirë e medaljeve që ai ka fituar nuk njihen nga shteti shqiptar edhe pse njihen zyrtarisht nga Federata Europiane dhe ajo Botërore.
Peshëngritësi sqaroi po ashtu se ligji për sportin iu njeh kampionëvë dhe sportistëvë elitarë edhe të drejtën për tu punësuar pranë Ministrisë së Mbrojtjes ose Ministrisë së Brendshme por ai nuk është as i siguruar dhe as i punësuar.
Lidhur me këto deklarime, ka reaguar edhe Ministria e Arsimit, Sportit dhe Rinisë e cila sqaron se Çalja është shpërblyer për rezultatin përfundimtar në Kampionatin Evropian të Peshëngritjes më 26.08.2018 në Bukuresht, me 4 milionë Lekë të reja dhe për rezultatin përfundimtar në Kampionatin Evropian të Peshëngritjes për të Rritur me 09.04.2019 në Gjeorgji, me 2 milionë Lekë të reja.
Ministria shton gjithashtu se nuk ekziston hapësira ligjore për të mundësuar shpërblimin për medalje vetëm në një stil për disa arsye.
“Mbështetur në pikën 3, neni 27, të ligjit nr. 79/2017 “Për sportin”, kriteret, mënyra e shpërblimitdhe përfitimi i trajtimit për përgatitjen sportive të sportistëve që përfitojnë statusin e nivelit të lartëpërcaktohen me vendim të Këshillit të Ministrave.Përmes vendimit nr. 687, datë 14.11.2018, Këshilli i Ministrave ka miratuar kriteret, mënyrën eshpërblimit dhe përfitimin e trajtimit për përgatitjen sportive të sportistëve, që përfitojnë statusin enivelit të lartë. Kreu II, pika 1.1 parashikon se kriteret e përcaktimit të nivelit të lartë sportiv përtë rritur, në sportet individuale në përbërje të ekipit kombëtar, si dhe në ekipet kombëtare tësporteve kolektive, për sportet olimpike të përcaktuara dhe të miratuara nga komiteti olimpikndërkombëtar të jenë rezultatet e arritura në aktivitetet ndërkombëtare zyrtare, sipas klasifikimevepërfundimtare të përcaktuara në rregulloret ndërkombëtare. Për pasojë, duke qenë se vendimi i Këshillit të Ministrave evokon për klasifikimin rregullat e miratuara sipas rregulloreve ndërkombëtare për rastin konkret duhet të shqyrtohen edhe rregulloret ndërkombëtare përkatëse.” thuhet në deklaratë.
Për sa i përket çështjes së punësimit të sportistit, Ministria thotë se janë dërguar shkresat përkatëse pranë strukturave të Ministrisë së Mbrojtjes apo të Ministrisë së Brendshme, ndërsa shtoi se për kampionatin botëror priten rezultatet e analizave doping.
Nga ana tjetër, Ministria nuk ka komentuar për rastin e atletit Smajlaj, i cili deklaroi se kushtet e stërvitjes janë krejtësisht të pafavorshme, teksa shtoi se as ai nuk është i siguruar dhe detyrohet që vazhdimisht të kërkojë sponsor./Opinion.al
