Sipas një studimi të fundit i botuar në revistën ‘Human Reproduction’ i cili mori në shqyrtim 450 meshkuj të cilët kishin dalë nga një vizitë në një qendër e posaçme lidhur me problemin e fertilitetit, ka rezultuar se obeziteti ishte një faktor i këtij problemi.
Hipoteza kryesore e studimit ishte të gjente nëse ishte e mundur një lloj korrelacioni midis ndryshimit të masës trupore dhe parametrave të spermës tek meshkujt që u bënë objekt i studimit, siç është numri total i spermatozoidëve si dhe përqindja e spermatozoidëve aktivë, pra të lëvizshëm.
Sipas këtij studimi, rezulton se shtimi në peshë trupore i bën më të ngadaltë spermatozoidët, ndërsa obeziteti mund të çojë deri në fertilitet.
Ndërkohë që të gjitha këto korrelacione negative mbetën po të njëjta, kur bëhet fjalë për lidhjen mes peshës dhe shpejtësisë së spermatozoidëve, edhe pas rregullimeve statistikore tek personat që u bënë objekt i studimit, lidhur me moshën, grupet etnike, dietat e ndjekura nga secili prej meshkujve, konsumimi ose jo i duhanit, alkoolit, drogës, statusi social etj., çka tregon se ky studim duhet marrë seriozisht, si një arsye më tepër për të luftuar obezitetin.
