Një nga figurat më të rëndësishme të PD, Sokol Olldashi u nda parakohe nga jeta më 20 nëntor 2013. Kanë kaluar 5 vite nga ikja e Olldashit, njeriut që mbajti poste të rëndësishme dhe aspironte të ishte lideri i PD-së.
Olldashi humbi jetën në aksident teksa kthehej nga Elbasani drejt Tiranës. Ngjarja e tij për shumëkënd mbetet enigmatike, edhe pse zyrtarisht është deklaruar se vdiq nga plagët që i shkaktoi aksidenti automobilistik.
Sot, Lulzim Basha e kujton Olldashin si një njeri që jetoi përtej kohës së tij.
“Një mbrëmje si sot 5 vjet u nis me ngut drejt amëshimit Sokoli,i cili si pakkush jetoi përtej kohës së tij, më shpejt se koha e tij. Në jetën e tij të shkurtër preku shumë jetë, ndihmoi shumë ëndrra. La pas dashuri, kujtime të paharrueshme dhe një shembull përjetësisht frymëzues”, shkruan Basha në Tëitter.
Një mbrëmje si sot 5 vjet u nis me ngut drejt amëshimit Sokoli,i cili si pakkush jetoi përtej kohës së tij, më shpejt se koha e tij. Në jetën e tij të shkurtër preku shumë jetë, ndihmoi shumë ëndrra. La pas dashuri, kujtime të paharrueshme dhe një shembull përjetësisht frymëzues. pic.twitter.com/yDs9hrCOPb
— Lulzim Basha (@lulzimbasha_al) November 19, 2018
