Rubrika e kësaj jave në Opinion.al ka në qendër të vëmendjes jo një personazh konkret, fare mirë, mund të ishte edhe ai, unë dhe ti. Përtej kësaj, është një tip njeriu, një model i caktuar mendimi, filozofie apo fryme. Janë disa të tillë. Profesorë, biznesmenë, gazetarë dhe studentë. Janë të gjithë bashkë. Aty. Partia nuk nënkupton vetëm një grupim njerëzish, të ishte vetëm kaq, nuk është asgjë. Ajo është një brumbull, që sot, mbledh e mbledh pa fund vetëm m*t…
Nga Reldar Dedaj
19 tetor 2016. Kronika e një vendi ku partitë e ‘pavarura’ lindin në çdo palë zgjedhje dhe nëqoftëse llogaritë nuk dalin, sipari bie.
Ka një jetë që po vazhdon kështu: qeveria kur ngec në rrugë dhe njerëzia e shikon gjen një shkurre ku fshihet një lepur. E zgjon kafshën e frikësuar dhe kënaq njerëzit; vazhdon rrugën krejt e qetë, pa frikën e lepurizmit në bark.
Ja kështu po ndodh. Gjeti disa persona që i thonë vetes jemi të pavarur. Më duket se kishin edhe grada shkencore. Jepnin edhe mësim në fakultet. Mendonin se janë kundra të gjithëve. Të veçantë. Me çanta të hedhura pas shpine. Syze optike dhe vetulla të ngrysura. Ata të linin përshtypjen se mund të ishin njerëz të gurit.
Si fillim, gjenitë e vërtetë kanë mbledhur gurë, pastaj i kanë punuar…Punojnë përsëri e përsëri deri sa i japin formë gurëve. Mirëpo, këtu gjenitë nuk kanë nevojë as të mbledhin gurë dhe as të stërmundohen për t’i latuar dhe as për të punuar mbi ta; këta janë gjeni prej fillimit. Dhe këta do shpëtojnë Shqipërinë. Askush nuk do vuajë nga mungesa e drejtësisë, bollëk dhe mirësi për të gjithë. Këta janë gjenitë e ndryshimit, këta do bëjnë të zezën të bardhë dhe ferrin parajsë.
Gjenitë u shfaqen simbolikisht në rrugën e Ambasadave dhe premtuan ndryshim.
Por kush janë gjenitë? Më mirë do të ishte pyetja, a kemi gjeni ne?
Kemi apo s’kemi, kjo është çështja. A quhen shkrimtarët dhe artistët e mëdhenj, mendimtarët, filozofët dhe publicistët?
Gjeni të një kombi mund të quhen njerëzit më me vlerë. Atyre që përpara gojës, u flet vepra.
More, ku i kanë veprat këta që dolën përballë rrugës së Ambasadave dhe prezantuan partinë e re?
Çudi, si erdhi puna deri këtu.
Lista e kësaj partie, tani për tani, nuk kishte asnjë emër gjeniu që fillimisht ka mbledhur gurë, pastaj i ka dhënë formë gurit. Në vitet e para të Demokracisë, atëherë edhe kur partitë ishin në modë, të gjithë i drejtuan sytë nga ‘guroret’ ku punuan mjeshtrit.
Dakord! -mund të thotë dikush. Ndërsa shton, e kuptuam se gjenitë kanë mbetur jashtë, por këta që dalin për televizorë, që kanë syze me numër të madh, që herë flasin dhe herë mendohen, që kanë shkolla private, që u ka dalë emri herë në një parti e herë në tjetrën, nuk janë gjeni?
Në fakt kush do guxonte të ftonte shqiptarët për t’u dhënë votën apo cili do të ishte nga këta ministër, deputet a profesor nëse do të ishte puna kriter!? Ja pra që Qeveria ka punuar me mend. Tashmë njerëzia po gjurmon llojin tjetër: Kush ishte në ‘Big Brother’ , kush ishte në gjykatë, kush mori një diplomë nga jashtë, d.m.th, kush nuk ishte këtu, me një fjalë, në gurore.
Po të krenoheshin gjenitë, do të zbulohej puna, pastaj puna do të nxirrte kush u pasurua nga këta pa punë. Obobobooo…
