Policia ka shoqëruar një persona në lidhje me sasinë e kokainës të gjetur në portin e Durrësit, e cila ishte fshehur në një kontejner me banane që ishte nisur nga Ekuadori.
Bëhet me dije se personi i shoqëruar është punonjës i kompanisë që i përketë sasia e ngarkesës me banane, “Massabi Fruits” e cila i ka magazinat në Kombinat.
Lënda narkotike është fshehur në travanin e kontejnerit, të cilin policia po e sharron për të nxjerr prej aty të gjithë sasinë e kokainës.
Deri më tani dyshohet se në kontejner janë gjetur rreth 200 kg, por kjo sasi ende nuk shtë konfirmuar zyrtarisht nga autoritetet.
Ndërkohë, Policia ka bllokuar kontejnerin, i cili kaloi skanerin dhe po bëjnë kontrollor fizik të imtësishëm.
Më 1 prill, në Portin e Durrësit u sekuestrua një tjetër sasi kokainë prej 49 kg. Ajo vinte nga Amerika Latine në një kontejner me banane në pronësi të Selim Çekaj, babai i Arbën Çekaj, ky i fundit i dënuar me 14 vite burg për sasinë 613 kg kokainë në 2018. Të dy ndodhen aktualisht në burg.
