TIRANE- Rehabilitimi i atyre që vuajtën pasojat e regjimit diktatorial ende mbetet një plagë e hapur, sa kohë ekzekutorët nuk kanë marrë dënimin e merituar. E sikur të mos mjaftonte kjo drejtësi e vonuar, disa prej anëtarëve të Sigurimit të atëhershëm sot gjenden në listat e ishtë përndjekurve, në të njëjtat kushte si këta të fundit, për t’u trajtuar me dëmshpërblim.
Ish te perndjekur politike, duke protestuar para godines se parlamentit E cilësuar si paradoksale një situatë e tillë ka bërë që qeveria të vihet në lëvizje. Mësohet se prej muajsh ka nisur puna për draftimin e nismës për “pastrimin” e listave të përfituesve.
Në këtë mënyrë të gjithë ata që kanë ushtruar çdo lloj forme të dhunës gjatë komunizmit e më pas janë dënuar nga ky regjim dhe sot marrin dëmshpërblim si të dënuar politikë, do të dalin nga skema. Pra, bëhet fjalë për persona që kanë qenë anëtarë të Sigurimit të së PD-së: T’i hiqen Shtetit, apo të Ministrisë së Brendshme, të cilët kanë ushtruar dhunë ndaj shtresës së ishtë përndjekurve, më pas të dënuar nga vetë ai sistem dhe që aktualisht trajtohen me dëmshpërblim.
Mësohet po ashtu se paketa e re ligjore që do të sjellë largimin e tyre nga skema vijon të jetë në fazën e konsultimeve dhe ende nuk mund të thuhet me saktësi se kur do të dërgohet në qeveri për miratim.
Ndërkohë lidhur me numrin e atyre që i kanë shërbyer regjimit dhe sot mbajnë veshur statusin e ishtë përndjekurit, mendohet të jetë mbi 100 persona. Por ekzistenca e vetëm një prej tyre është e papranueshme, nga ata që u dergjën në burgjet e komunizmit dhe familjarët e tyre.
Sakaq, vitin e kaluar u hodhën edhe disa hapa të tjerë me rëndësi, siç ishin ligji për hapjen e dosjeve të Sigurimit dhe projekti për gjetjen e 6 mijë të zhdukurve gjatë regjimit komunist.
Për këtë të fundit është krijuar edhe një sektor i posaçëm, ndërkohë i gjithë programi do të asistohet nga Komisioni ndërkombëtar për gjetjen e të zhdukurve. Për procesin në tërësi është thënë që do të nevojiten 4 milionë USD, të cilat janë parashikuar të sigurohen nga mbështetja e donatorëve. /gazeta Panorama/
