Pas kthimit të kombëtares shqiptare ditën e djeshme në Tiranë, kanë filluar që të zbulohen edhe inatet dhe përplasjet që kanë ndodhur në kampin kuq e zi gjatë ndeshjeve eliminatore të Kampionatit Europian të Futbollit, “Francë 2016”.
Burime nga kampi i kombëtares thanë për SYRI.net, se gjatë qëndrimit të skuadrës në Francë gjërat nuk kanë shkuar ashtu siç ishte parashikuar në fillim.
Dy lojtarë mësohet se kanë të veçuar nga të tjerët. Shkëlzen Gashi dhe Taulant Xhaka mësohet se nuk janë trajtuar njëson nga trajnerët dhe stafi i kombëtares.
Pas kësaj ata kanë marrë vendimin që të mos i bashkohen më kombëtares shqiptare, vendim ky që do të bëjë me faktin se ata nuk do të vijnë në ndeshjet e ardhshme eliminatore për kampionatin botëror “Rusi 2018”.
Këtë fakt e kanë pohuar vetë lojtarët në fjalë, të cilët kanë thënë se nuk ndihet të respektuar dhe nuk janë trajtuar njësoj si lojtarët e tjerë.
Mësohet se, Shkëlzen Gashi ka qenë në shënjestër të shpërfilljes pas rastit të humbur në ndeshjen e parë hapëse në grupin A kundër Zvicrës.
Ai është sulmuar dhe anashkaluar nga trajneri i dytë i kombëtares, Paolo Tramezzani, në lidhje me rastin e humbur, gjë që ka sjellë edhe probleme në skuadër, duke mos u aktivizuar më në kombëtare.
Kjo sjellje e Tramezzanit dhe mos aktivizimi i tij, nuk i ka pëlqyer Gashit dhe ai ka marrë një vendim personal, duke braktisur kombëtaren. Po ashtu edhe Taulant Xhaka pas gjestin që kreu në momentin e zëvendësimin në ndeshje me Zvicrën, kur përplasi bidonin ujit në tokë, ka krijuar një armiqësi me trajnerin Gianni De Biasi dhe ndihmësin e tij, Paolo Tramezzanin.
Marrëdhëniet midis tyre janë ftohur dhe Xhaka është shprehur se do të braktis ekipin dhe nuk do të pranoj asnjë ftesë nga kombëtarja për ndeshjet e ardhshme.
