Bashkia e Tiranës i ka dhënë 10 ditë afat partisë Fryma e Re Demokratike, për të liruar zyrat e godinës. Në shkresën drejtuar kësaj force politike, bashkia kërkon lirimin vullnetar të ambjenteve brenda datës 23 mars 2021.
“Ju bëjmë me dije se brenda datës 23.02.2021 të merrni masa për lirimin vullnetar si dhe dorëzimin e ambjenteve të cilat janë kaluar për administrim në Drejtorinë e Përgjithshme të Objektivave Publike me urdhër të Kryetarit të Bashkisë” – thuhet në shkresë
Kjo shkresë vjen një ditë pas tensionit të krijuar në ambjentet e FRD, ku punonjës të policisë bashkiake mbërritën në godinë për lirimin e ambjenteve, teksa u përplasën aty edhe me Presdientin Meta. Në një reagim për mediat Meta e ka konsideruar si një vendim të pastër politik kundër FRD-së e cila ka nënshkruar marrveshjen e bashkëpunimit me koalicionin opozitar për zgjedhjet e 25 Prillit./Opinion.al
