Lionel Messi është përfshirë në një debat të ashpër me Sekretarin Teknik të klubit, Eric Abidal. Përplasja mes Messit dhe Abidal erdhi pas deklaratës së bërë nga ky i fundit në gazetën “Sport”.
Duke folur për largimin e Ernesto Valverdes dhe zëvendësimin e tij nga Quique Setien, Abidal tha: “Shumë lojtarë nuk ishin të kënaqur, nuk punonin mirë dhe kishte probleme me komunikimin e brendshëm”.
Ndërkohë, Messi i është përgjigjur ashpër në Instagram ish-shokut të tij të skuadrës: “Sinqerisht, nuk më pëlqen të bëj gjëra të tilla, por mendoj se të gjithë duhet të marrin përgjegjësitë për punën që u takon. Lojtarët përgjigjen për atë që ndodh në fushë dhe ne kemi qenë të parët që e kemi pranuar kur nuk kemi luajtur mirë. Kur flitet për lojtarët, duhet të japësh emra, ndryshe hedh poshtë punën e të gjithëve me gjëra që nuk janë të vërteta.”
Pas kësaj përplasje, “El Mundo Deportivo” shkruan se Presidenti i Barcelonës, Bartomeu mund të marrë shkarkojë nga detyra francezin Eric Abidal./ Opinion.al
