Një 50-vjeçar banues në fshatin Gajdë të Poshnjes në Berat është arrestuar si autor i aksidentit që i mori jetën një 72-vjeçari një ditë më parë.
Ngjarja ndodhi në fshatin Polizhan në aksin Berat-Ura e Kuçit, ku 50-vjeçari B.D. përplasi me kamionçinë 72-vjeçarin me iniciale I.Ç., i cili po lëvizte me biçikletë. Nga përplasja, 72-vjeçari humbi jetën, ndërsa drejtuesi i mjetit u largua nga vendngjarja.
Policia bën me dije se pas identifikimit u arrestua 50-vjeçari me iniciale B.D., i cili akuzohet për shkelje të rregullave të qarkullimit rrugor dhe largim nga vendi i aksidentit./Opinion.al
