Të hënën në mbrëmje, në emisionin “Opinion” janë bërë publike pamjet e momentit kur Ajas Sulejmani është larguar nga vendi ku përplasi çiftin me fëmijën e tyre 3 muajsh.
Siç mund të shihet edhe në pamjet e mëposhtme, 39-vjeçari mban në krahë vajzën e tij të vogël, e cila ishte në makinë në momentin e aksidentit. Ai i është drejtuar një spitali privat për të kontrolluar vajzën e tij, pasi aksidenti çiftin tek vijat e bardha në rrugën e “Kavajës”.
Në pamjet e siguruara, 39-vjeçari duket teksa ecën i qetë dhe në dorë mban telefonin e tij.
Pas arrestimit, 39-vjeçari rezultoi se ishte nën efektin e lëndëve narkotike. Ndërsa çifti ndodhet ende nën kujdesin e bluzave të bardha pasi plagët e marra nga përplasja me makinë kanë qenë të shumta. Fatmirësisht foshnja është në gjendje të mirë shëndetësore dhe jashtë rrezikut për jetën./Opinion.al
