Dy persona janë plagosur rëndë pas përplasjes nga një mjet në aksin Fushë-Krujë- Rinas.
Burime zyrtare nga policia bëjnë me dije se një automjet tip “Fiat” me targë DR2890E përplasi një triçikël, me të cilin udhëtonin dy pjesëtarë të komunitetit rom.
Të dy personat që udhëtonin në mjetin triçikël janë plagosur rëndë dhe janë dërguar menjëherë në spitalin e Traumës në Tiranë për të marrë ndihmën e nevojshme.
Sakaq, policia e mbërritur në vendngjarje ka nisur hetimet për shkaqet dhe rrethanat e aksidentit.
