Kronikë

Përplasen dy automjete në rrugën Tiranë-Elbasan, humb jetën 17-vjeçari


               Publikuar në : 07:57 - 11/11/19 |
Al Do

Një aksident automobilistik i ka marrë jetën një 17-vjeçari. Mbrëmjen e së dielës rreth orës 22:00 dy makina janë përplasur në rrugën Tiranë-Elbasan, pranë rrethrrotullimit të TEG-ut.

Si pasojë e përplasjes së fortë 17-vjeçari me iniciale K.V ka marrë plagë të rënda nga të cilat nuk ka mundur të mbijetojë dhe ka ndërruar jetë në spital.

Nga aksidenti kanë mbetur të plagosur edhe tre persona të tjerë të cilët janë jashtë rrezikut për jetën.

Grupi hetimor po vijon punën për sqarimin e mëtejshëm të rrethanave të ngjarjes dhe shkakut të aksidentit.

Kujtojmë se ditën e djeshme si pasojë e një aksidenti në Bërzhitë humbën jetën dy 17-vjeçarë teksa po ktheheshin nga një ditëlindje ndërsa drejtuesi i mjetit u vu në pranga pasi nuk kishte leje drejtimi. /Opinion.al

Pas