Mediat greke po raportojnë për protestën që po zhvillohet në Himarë për lirimin e kryebashkiakut të zgjedhur, Fredi Beleri.
Sipas raportimeve, ka pasur përpjekje të autoriteteve shqiptare për ta anuluar këtë protestë.
Sipas Protothema një punonjës policie që kishte një copë letër në duar u tha organizatorëve se “tubimi është i ndaluar për arsye sigurie. Ju nuk e keni marrë dokumentin sepse nuk ju është dërguar zyrtarisht”.
Ndërsa kryebashkiaku i zgjedhur në Himarë ka reaguar pas protestës në zonë për lirimin e tij.
Beleri nga burgu ka folur për median greke “Open” është shprehur se ai është mirë dhe se po pret për vendimin e drejtësisë, edhe pse mund të jetë i vonuar.
“Jam mirë, jam i fortë. Jam duke pritur. Kanë kaluar 3 muaj, jam i vendosur të qëndroj këtu sa të duhet, të betohem kryetar bashkie dhe të shkoj atje ku më kanë emëruar himariotët. Dua t’u them atyre të jenë të fortë, të presin dhe të kenë besim te Zoti dhe besim në luftë. Drejtësia mund të jetë e ngadaltë. Ndonjëherë më shpejt, ndonjëherë më ngadalë, por në fund fiton gjithmonë”, mësohet të ketë thënë Beleri./Opinion.al
