Një 41 vjeçar është arrestuar, pasi akuzohet se përndoqi për një kohë të gjatë një vajzë duke i shkaktuar asaj ankth dhe pasiguri.
Pas kallëzimit të bërë në polici nga një 31-vjeçare, në kuadër të operacionit “Same” u vu në pranga shtetasi L. H., banues në Vlorë.
Ky shtetas ka qenë i dënuar më parë, për veprën penale “Përndjekja”, pasi ka përndjekur të njëjtën shtetase.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
