Qytetarët e Shkodër janë ata të cilët vuajnë pasojat e përmbytjeve pavarësisht se në krye të qeverisë është PS apo PD. Edhe dy ditët e fundit ishin po ata qytetarë të cilët përmbyteshin edhe në kohën që vendi qeverisej nga PD.
Kohë në të cilën Rama, në opozitë akuzonte fuqishëm qeverinë demokratike se përmbytjet ndodhën nga dora e njeriut dhe jo e zotit. Por, po në atë kohë qeveria justifikohej se nuk ishte ajo përgjegjëse për reshjet.
Për ironi vet Rama ka zgjedhur sot që në “Twitter” të postoj qëndrimet e Berishës në kohën që ishte në krye të qeverisë dhe sot që është në krye të opozitës.
Pyetja nuk është se si mund të ketë kaq rrjedhje robi, po si mund të ketë akoma rob që shkojnë pas një rrjedhjeje të tillë?! pic.twitter.com/jR9yXNrSaZ
— Edi Rama (@ediramaal) November 22, 2022
Por, për përsëri për ironi, sigurisht jo e mirë, një ndryshim qëndrimi prej 360 gradë ka dhe Rama për përmbytjet, që sot i mëshon deklaratës se përmbytjet erdhën nga qielli.
Një rrokadë të mirëfilltë pushteti dhe deklaratash, por qytetarëve iu desh të braktisin banesat, të humbisnin të mbjellat dhe dy prej tyre edhe jetë.
