Bota

Përleshje të dhunshme në Brazil, mbështetësit e ish-presidentit sulmojnë zyrat e policisë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:06 - 13/12/22 |
Opi Nion

Mbështetësit e ish-Presidentit brazilian, Jair Bolsonaro kanë përshkallëzuar protestat e tyre, teksa mbrëmjen e djeshme ata kanë depërtuar deri në zyrat qendrore të policisë, duke djegur gjithçka që u doli përpara.

Dhuna në vend ka shpërthyer që prej zyrtarizimit si kreu i ri i shtetit të Luiz Inacio Lula da Silva, i dalë fitues në zgjedhjet e fundit presidenciale.

Sipas dëshmitarëve, mbështetësit e Bolsonaros mbanin veshur fanella të kombëtares dhe janë parë duke djegur flamujt brazilianë dhe janë përplasur fizikisht me forcat e policisë në zyrat e Brasilias.

Policia iu kundërpërgjigj me gaz lotsjellës, ndërsa protestuesit e dhunshëm dogjën makina dhe autobusë, duke shkaktuar panik në zonë.

Përplasjet nisën pas mandatit të arrestit të policisë braziliane ndaj krahut të djathtë dhe mbështetësit kryesor të Bolsonaros, José Acácio Serere Xavante, si organizatori kryesor i protestave pas zgjedhore.

Që kur Lula fitoi zgjedhjet presidenciale, paraardhësi i tij Bolsonaro nuk ka pranuar në asnjë moment rezultatin, duke u bërë thirrje mbështetësve të tij që të protestojnë, ndërsa policia ka ngritur edhe barrikada për t’i bllokuar.

Pas