Bruce Willis po bëhet gjithnjë e më keq dhe sipas burimeve të afërta me aktorin të raportuara nga revista Closerweekly, ai nuk e njeh më as ish-bashkëshorten e tij Demi Moore.
Duke u kthyer nga një udhëtim, aktorja vizitoi ish-bashkëshortin e saj, me të cilin ka qëndruar gjithmonë shumë e afërt, por ajo kuptoi se yllit të dashur të “Die Hard” nuk i kujtohej më ish-gruaja me të cilën ishte martuar prej 13 vitesh dhe nëna e vajzave të tij Rumer, 35 vjeçe, Scout 32 vjeçe dhe Tallulah 29 vjeçe.
Aktori vuan nga një formë e demencës frontotemporale që nuk mund të kurohet dhe zakonisht prek njerëzit midis moshës 40 dhe 60 vjeç. “Diagnoza mizore” e re e shpallur nga familja në shkurt 2023 do të thotë se Willis ka ngadalësuar lëvizjet, nyje të ngurtësuara, probleme ekuilibri dhe ndryshime në sjellje dhe të folur.
“Është e dhimbshme, por tani më në fund e dimë,” thanë gruaja e tij Heming, ish-gruaja e tij Demi Moore dhe pesë vajzat e tyre më 16 shkurt në një mesazh të postuar në faqen e internetit të Shoqatës për Degjenerimin Frontotemporal.
Sëmundja progresive mund të shkaktojë dëmtime të rënda njohëse, si dhe ndryshime të personalitetit dhe ndryshime të humorit.
