Trafikantët grek e shqiptarë flisnin me njëri-tjetrit në telefon, teksa policia greke i kishte nën përgjim. Deri më 11 Mars 2016, policia greke dinte se ishte një trafikant shqiptar me emrin Keli por nuk dinte identitetin e tij të plotë. Ka qenë një gafë e Kelmend Balilit që ka çuar në identifikimin e tij. Opinion.al disponon disa dokumente që janë biseda telefonike të përgjuara nga prokuroria greke dhe që i janë vënë në dispozicion drejtësisë shqiptare për ta arrestuar Balilin.
Siç shihet edhe në dokumentet e mëposhtme, Balili komunikonte vazhdimisht me skafistin që transportonte drogën drejt Greqisë Petro Dalanaj të cilin e orientonte për rrugën që do të ndiqte deri në ishujt grek ku do linte ngarkesën. Ky person është tashmë i arrestuar. Gjithashtu Balili komunikonte me biznesmenin grek Alyfantis Georgis i cili ishte pritësi i lëndës narkotike, shkruan opinion.al.
Por si ra Balili në grackë?
Në numrin e Alyfantis Georgis (që ishte në përgjim) Klemend Balili dërgon numrin e tij të pasaportës, pasi grekut i duhej leje për të përdorur skafin. Në këtë moment policia greke ka identifikuar se kush ishte boss-i që niste tonelata me drogë nga Shqipëria. Pra afro 1 vit më parë (mars 2016) policia greke ka identifikuar Balilin. Ndërsa urdhër arresti për të nga prokuroria shqiptare doli 10 muaj më pas (dhjetor 2016).
Shihni më poshtë bisedat e përgjura të Kelmend Balilit me skafistin shqiptar dhe grekun që priste drogën
Dokument I: Komunikimi i Kelmend Balilit (Keli) me skafistin Petro Dalanaj
Dalanaj: Hajde vlla
Keli: Kalove cdo gjë? Kalove shumë?
Dalanaj: Po ika
Keli: Ike shumë milje nga ishulli
Dalanaj: 5, 67 milje. Kam hajt në një ishull tjetër, është një tjetër nga pas.
Keli: Mirë hajde. Hapu cik dhe ik avash
Dalanaj: Mire hajde
Kely: Hajd shëndet
Biseda 2: Keli dhe Petro Dalanaj
Dalanaj: He re vlla
Keli hajde avash avash. Ec
Dalanaj: po vij
Keli: Do dalesh nga maja dhe do futesh në gjirin e madh
Dalanaj: E di ore e di. Atje në anë ku zbresin makinat?
Keli: E sic futesh në plazh
Dalanaj: Sic është rruga
Keli: Eee nga ana e brendshme që është, jo nga na tjetër
Dalanaj: Erdha erdha
Dokument II: Në dokumentet e prokurorisë thuhet se në datat 5/5 2016 dhe deri më 8/6/2016 kur është bërë sekuestrimi i lëndës narkotike ky shtetas ka mbajtur kontakte me shtetasin Alyfantis Georgis i cili ishte pritësi dhe organizuesi i pritjes së lëndës narkotike canabis sativa që vinte nga Shqipëri me varkën e drejtuar nga Petro Dalanaj.
Konkretisht identifikimi i është bërë me sms e mëposhtme “CD 211 numri i bisdedës 161”. Deri në atë moment Balili ishte i panjohur për policinë greke siç shënohet edhe në dokument (person i panjohur shqiptar) data e bisedës 11.3.2016 ora 12:42 mesazh dales nga numri i telefonit të biznesmit grek:
“Vëllai im, dërgo numrin e pasaportës tënde”
Balili i dërgon numrin e pasaportës BF2613552 që rezultoi të ishte Klemend Balili i lindur më 20.3.1972 në Shqipëri dhe banor në Sarandë.
Në bisedat e përgjuara të cilat janë të shumta Klement Balili koordinon veprimet mes Petro Dalanaj dhe Alyfantis Gerogios. Ky i fundit organizon pritjern në ishullin e Zxakintos duke organizuar paraprakisht strehimin ditën emëpatrshme në një ishull të vogël të pabanuar, afër zonës Agio Sostit në Zakintos./Opinion.al
*Video nga emisioni i mbrëmshëm ‘Opinion’ ku u fol për mosarrestimin e Balilit
