“Përgjimi ku Edi Rama bisedon me Arben Keshin dhe më pas ai jep porositë e paligjshme për votat është shkelje e Kodit Penal 328/a, që parashikon ndalimin e përdorimit të një punonjësi që kryen një detyrë shtetërorë qe e përdor, është kryeministri i vendit, funksionari më i lartë që përdor burime njerëzore me qëllim favorizimin e partisë së tij në zgjedhje. Kjo vepër dënohet me burg nga 1 në 3 vjet. Rama përdor një drejtor në Ministrinë e Brendshme për votat e partisë së tij. Ky nen është totalisht i konsumuar nga shtetasi Edi Rama dhe shtetasi Arben Keshi”.
Të paktën kështu pretendon ish-deputeti demokrat, Enkeljed Alibeaj, i cili në një konfeencë për mediat nga selia blu ka folur për përgjimet e publikuara nga gazeta gjermane Bild.
Për Sekretarin e Përgjithshëm të PD-së, përgjimet tregojnë se Edi Rama, qeveria e tij dhe PS kanë vepruar si një grup i strukturuar kriminal për të marrë dhe mbajtur pushtetin në mënyrë të paligjshme.
“Edi Rama, Damian Gjiknuri, Pjerin Ndreu, Vangjush Dako e me rradhë duhet të ishin sot në burg për vjedhjen e votave. Për shqiptarët tani është e qartë se nuk mund të ketë zgjedhje me Edi Ramën kryeministër dhe pa nxjerrë para drejtësisë ata që vodhën votat”, deklaroi Gazment Bardhi.
Bild publikoi 16 përgjime, në të cilat janë përfshirë dhe drejtuesë të institucioneve lokale.
Në disa prej përgjimeve përmenden shifra parashë që duhet të jepen në këmbim të votave, ndërsa drejtuesë të institucioneve lokale, si ai i drejtorisë arsimore, kërkojnë haptazi deklarimin e votës, nga vartësit e tyre, në favor të Partisë Socialiste.
Në një pjesë të mirë të përgjimeve rezulton një përfaqësues lokal socialist Arben Keshi, i cili sipas burimeve të PS, më pas është emëruar si drejtor në një prej institucioneve në varësi të Ministrisë së Brendshme./ Opinion.al
