Partia Demokratike do të publikojë materiale që tregojnë se zyrtarë të mazhorancës janë të përfshirë në ngjarje kriminale. Ish-deputetja e Partisë Demokratike, Grida Duma ka thënë në një intervistë për ABC News se Partia Demokratike ka dijeni dhe fakte që tregojnë se mazhoranca është bashkuar me krimin për të mbrojtur pushtetin.
Duma shtoi gjithashtu se zyrtarët e përfshirë në materialet e paralajmëruara janë të niveleve të larta duke përfshirë edhe ministra.
“Unë besoj që pa asnjë diskutim do të ketë dhe duhet të ketë. Është e pamundur që maja e ajsbergut, ajo që dëgjuat ju te BILD-i të mbarojë aty. Pa asnjë diskutim që kjo është çështja. Pa diskutim që kemi dijeni për të tilla fakte. Për funksionarë të lartë. Pse jo edhe ministra. Ka indicie të tilla. Keni për të parë në ditët në vijim se politika është edhe art i parashikimit deri diku, ose së paku i lëvizjes së radhës. Unë besoj se do shikon që aty ku duket se Edi Rama i bën fli vetë, në fakt është duke fshehur diçka. Ne i parashohim se cilat janë lëvizjet e mazhorancës për të fshehur problematikën që ajo ka me bashkimin e krimit me pushtetin e shqiptarëve”, tha Duma. /Opinion.al
