Presdienti i Republikës Ilir Meta është shprehur ditën e sotme se qeverisë së kryeministrit Rama do t’i jap përgjigje nga Vlora lidhur me bllokimin e trafikut ajror nga ana e punonjësve të AlbControl.
Me ironi Meta shkruan se nëse është i hapur aeroporti i Vlorës, kryeministri do e marrë nga aty përgjigjen, teksa ka ftuar në këtë dalje mediatike dhe bashkëbisedim me qytetarët edhe Damian Gjiknurin, i cili sipas Presidentit ka përvojë me aeroportet dhe fluturimet.
“Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.
Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.
Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm.”– shkruan Meta.
Teksa e ka shoqëruar stuatusin e tij edhe me një letër që vetë institucioni i Presidencës ia ka dërguar Kryeministrisë, Ministrisë së Infrastrukturës dhe Energjisë, AlbControl dhe Autoritetet të Aviacionit Civil më datë 02. 04. 2021.
Ndërkohë që po kjo letër, ku brenda ka kërkesat por dhe pretenditme e punonjësve të kësaj kompanie, i ka shkuar për dijeni dhe Ambasadës së SHBA, Delegacionit të BE në Tiranë dhe Sindikatave të Pavarura të Kontrollit të Transportit Ajror./Opinion.al
