Kur kanë mbetur vetëm pak ditë nga ndeshja me Moldavinë, rikthimi i Shqipërisë në Arenën Kombëtare u shoqërua me lajme jo të mira. Mbrojtësit Berat Gjimshiti dhe Frederik Veseli mungonin në stërvitje.
Lojtari i Atalantës u bë baba për herë të dytw dhe me lejen e stafit teknik iu bashkua familjes. Gjimshiti do të rikthehet në grumbullim këtë të enjte. Gjendja e mbrojtësit gjatë këtij grumbullimi nuk ka qenë më e mira dhe pritet të kuptohet nëse ai do të jetë në gjendje të zbresë në fushë.
Në anën tjetër, Veseli ka pësuar një lëndim në shpatull gjatë ndeshjes së fundit miqësore në Elbasan. Sipas stafit mjekësor, ai nuk rrezikon të mos jetë në dispozicion të trajnerit Silvinjo.
Kombëtarja luan më datë 17 qershor kundër Moldavisë, teksa tre ditë më pas e pret trasferta me Ishujt Faroe. Dy ndeshje në të cilat kuqezinjtë kërkojnë pikët e plota.
