Ka përfunduar takimi i sotëm në Shtëpinë e Bardhë, mes përfaqësuesve të Kosovës dhe Serbisë.
Kryeministri Kosovar Avdullah Hoti u shpreh se diskutimet do të vijojnë edhe gjatë ditës së nesërme, ndërsa deklaroi progres në negociatat ekonomike.
Hoti tha se çështja e shkëmbimit të territoreve nuk do të shtrohet në tryezën e bisedimeve.
“As nuk është shtruar e as nuk do të shtrohet në tavolinë çështja e shkëmbimit të territoreve”, ka thënë Hoti. “Ju nesër do të shihni marrëveshjen sepse kështu është diskutuar”, tha Kryeministri i Kosoves.
Kujtojmë se më herët Ministri Serb i Financave, pjesë në delegacion tha se Serbisë po i bëhej presion të firmoste njohjen reciproke. I dërguari Grenell përmes një tuiteri mohoi faktin që palës serbe t’i ishte çuar një listë kërkesash./Opinion.al
