Ka përfunduar pas më shumë se 45 minutash protesta e qytetarëve për vdekjen e 32-vjeçarit Lear Kurti pasi u ndalua nga policia.
Qytetarët protestuan para ministrisë së Brendshme dhe më pas ndezën qirinj në shkallët e Kryeministrisë.
Protestuesit kërkuan largimin e kryeministrit Edi Rama dhe ministrit të Brendshëm Bledi Çuçi. Gjatë protestës nuk janë regjistruar incidente apo përplasje me policinë.
Qytetarët lajmëruan se do të ketë një protestë të dytë për vdekjen e 32-vjeçarit, që do e njoftojnë në rrjete sociale.
