Ka përfunduar procesi i votimit për zgjedhjet lokale në Dibër, ndërsa tashmë pritet të nisë procesi i numërimit, pasi të gjitha kutitë të mbërrijnë në qendrën e numërimit.
Disa nga qendrat e votimit janë mbyllur me pak minuta vonesë, ndërkohë që pjesa më e madhe e qendrave janë mbyllur brenda orarit të caktuar.
Në votime kanë marrë pjesë rreth 53% e votuesve, ndërsa janë shënuar disa raste për shit-blerje votash, që sipas opozitës u bënë përmes shpërndarjes së miellit apo fotografimit të fletës së votimit nga disa votues.
Nga ana e saj PS, ka denoncuar disa veprime të dhunshme që ka bërë deputeti Flamur Noka në Maqellarë.
