Ka përfunduar mbledhja e Enkelejd Alibejat me strukturat e P që njihen prej tij. Gjatë mbledhjes, alibeaj ka patur dhe propozime lidhur mënyrën se si PD do të garojë në zgjedhje.
Alibeaj është shprehur se ka propozuar daljen me një kandidatë në strukturën e PD-së që fokus kryesor të jenë zgjedhjet e 14 majit, ndërsa paralajmëroi një aleancë me bazë të gjerë me partitë e djathta.
“Ajo që kam propozuar gjeti mirëkuptim. Është një moment ngarkimit me një përgjegjësi historike, është momentin i mirë për të riparë struktura e PD energji të reja për rritje dhe fitore. Jam i vetëdijshëm dhe i kënaqur që gjeta po të njëjtën konsideratë nga koleget. Jemi më të vendosur me shumë se kurrë që bashkë me demokratët pa dallim, me zgjedhësit.
Tre çështje propozova, dhe gjeta dhe mbështetje.
Lidhur me aleancat, PD merr përsipër ndërtimin e një aleance sa më të gjerë të partive të qendrës së djathë për maksimizim të votave.
Së dyti, lidhur me këshillat bashkiak është miratuar që duhet të filloj menjëherë nga puna duke ftuar demokratët që kanë qëndruar në momentet e vështira të PD, që të bëhen dhe do jenë pjesë e listave.
Së treti, lidhur me kandidatët, votimet me primare nga grupi i rithemelimit dhe kandidatë të tjerë i kam propozuar PD dhe kemi gjetur mbështetje, hapjen pa asnjë kufizim. Synimi i vetëm është dalje me një kandidat të vetëm në çdo bashki”, tha ai.
I pyetur nga gazetarët se cili është kryetari i partisë dhe nëse ndihet i tillë, Alibeaj u shpreh se është edhe ndihej ushtrues i kësaj detyre.
Ai shtoi se për zgjedhjen e kreut të ri të PD duhen zgjedhje të reja nga baza në krye, sipas të gjithave rregullave e procedurave të kësaj partie.
“Jam dhe ndjehem drejtues i partisë dhe ushtrues i detyrës. Sipas ligjit, në regjistrin e partive regjistrohen emrat e kryetarëve kur ka një dorëheqje. Duhet regjistruar zgjedhja e kryetarit te ri jo aktet e dorëheqjes. PD duhet të organizojë procesin e zgjedhjeve nga baza deri në krye”, ka deklaruar ai./Opinion.al
