Ka përfunduar seanca për vlerësimin e masës së sigurisë ndaj ish ministrit të Shëndetësisë, Ilir Beqaj.
Ky i fundit qëndroi në ambientet e Prokurorisë së Posaçme për më shumë se një orë. Ndërsa nuk pranoi të flasë për mediat, por u shpreh se: “Do të flas një herë tjetër”.
SPAK e akuzon ish-ministrin për shpërdorim detyre për lidhur me koncesionin e sterilizimit të pajisjeve kirurgjikale, kontratë koncesionare 10-vjeçare afro 100 milionë dollarëshe, e cila u firmos në dhjetor 2015 dhe ende vijon.
Ish-ministri i Shëndetësisë po hetohet për akuzat e “Shpërdorim detyre e kryer në bashkëpunim” në procedurat e koncesionit nën masën e sigurisë “detyrim me paraqitje” dhe “ndalim të udhëtimit jashtë”./Opinion.al
