Rreth 150 persona u evakuuan mëngjesin e sotëm nga një traget në Itali për shkak të zjarrit që shpërtheu në dhomën e motorit.
Sipas mediave italiane, trageti po udhëtonte nga ishulli i Lapmedusës drejt Porto Empedocle në Siçili.
Në traget ndodheshin 177 persona, 150 pasagjerë, nga të cilët 83 ishin emigrant dhe 27 anëtarë të ekuipazhit, tha autoriteti portual.
Të gjithë pasagjerët u dërguan në Lampedusa dhe Siçili, ndërsa trageti është jashtë shërbimit dhe pritet te tërhiqet në port.
Në numër i madh emigrantësh mbërrijnë në Lampedusa çdo ditë pasi bëjnë kalimin e rrezikshëm të Mesdheut me synimin për të arritur në Evropë.
Pas një jave qetësie për shkak të motit të keq, ardhjet e emigrantëve rifilluan të premten, 29 shtator, në ishullin italian.
Nga qershori deri në gusht 2023, të paktën 990 persona u zhdukën ose u mbytën në Mesdheun qendror, trefishi i numrit krahasuar me të njëjtën periudhë të vitit të kaluar, sipas Unicef./Opinion.al
