Një klasë në një shkollë 9-vjeçare në Ballsh është përfshirë nga flakët e zjarrit këtë të martë.
Bëhet me dije se zjarri është neutralizuar nga zjarrfikësja në kohë, duke shmangur kështu përhapjen e flakëve në ambientet e tjera të shkollës.
Për fat të mirë në shkollë nuk ka pasur nxënës, pasi shkollat janë mbyllur për shkak të pushimeve të festave të fundvitit që prej 27 dhjetorit.
Raportohet se shkak për zjarrin që ka shkrumbuar librat dhe bankat e klasës, ka qenë një shkëndijë elektrike.
“Në datë 03.01.2023, në lagjen “5 Shkurti”, Ballsh, në një klasë të një shkolle 9-vjeçare, dyshohet se si pasojë e një shkëndije elektrike ka rënë zjarr dhe për pasojë ka vetëm dëme materiale në atë klasë. Shërbimet zjarrfikëse kanë bërë të mundur shuarjen e zjarrit, ndërsa grupi hetimor po punon për zbardhjen e shkaqeve të rënies së zjarrit”-njofton policia.
