Një automjet i parkuar në Vlorë është përfshirë nga flakët e zjarrit gjatë orëve të para të mëngjesit të sotëm. Sipas policisë zjarri ka rënë në një automjet tip Ford të parkuar në pronësi të shtetasit L.K.
Nga flakët nuk ka asnjë person të lënduar por vetëm dëme materiale.
“Më datë 27.09.2022, rreth orës 02:30, në lagjen “24 Maji”, Vlorë, ka rënë zjarr në një automjet të parkuar, tip “Ford” në pronësi të shtetasit L. K., banues në Vlorë, ku janë shkaktuar vetëm dëme materiale”, thuhet në njoftimin e policisë.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
