Një automjet është përfshirë nga flakët në tunëlin e Krrabës në Elbasan, duke shkaktuar bllokimin e qarkullimit në këtë aks.
News 24 bën me dije se automjeti i cili po lëvizte nga Elbasani në Tiranë ka shpërthyer në flakë si pasojë e një defekti teknik.Nga informacionet paraprake raportohet se fatmirësisht nuk ka persona të lënduar, por vetëm dëme materiale.
Sakaq, mësohet se bllokimi i tunelit është bërë vetëm nga rruga që të çon drejt Elbasanit.
Policia dhe zjarrfiksja ndodhen në vendngjarje ku po punojnë për të bërë të mundur shuarjen e flakëve dhe normalizimin e qarkullimit rrugor.
